Gastronomía dos países da poboación inmigrante
• Os Mercados de Monforte tiveron este mes unha cita coas cociñas do mundo. Venezuela, México, Brasil, Colombia, Bulgaria, Portugal, Xapón, Tailandia, India e Marrocos foron os países representados no Mercado da fin de semana do 12 e 13 de xullo. Dado que na última década a cidade do Cabe está a experimentar un forte incremento da poboación inmigrante, esta iniciativa dos Mercados de Monforte quixo dar a coñecer a grande diversidade de sabores, produtos e receitas da gastronomía dos seus países de procedencia. Os visitantes do Mercado de Monforte puideron degustar diversas creacións típicas en formato tapa a prezos entre 0,50 céntimos e 1 euro. (Fotos: EC). •