O Club de Billar Templarios remata a temporada engadindo media ducia de medallas ó seu palmarés

El pase de diapositivas requiere JavaScript.

• O Club de Billar Templarios de Monforte completou unha exitosa temporada de competicións, con presencia nos máis destacados campionatos a nivel autonómico e nacional. O esforzo dos desprazamentos e do intenso adestramento para as probas deu o seu froito, ó acadar media ducia de medallas que pasan a engrosar o palmarés deste club deportivo.
O billarista do Club Templarios Raúl Esmorís proclamouse gañador do Campionato de España de modalidade bola 8, disputado en Benidorm o 5 e 6 de xullo. Esmorís xa viña de acadar o bronce en Padrón, no Campionato Galego desta mesma modalidade, que se celebrou na vila rosaliana o 28 e 29 de xuño. O xogador dos Templarios completou a súa extraordinaria temporada coa medalla de prata nos Campionatos de España na modalidade de bola 9-mesa pequena. Nesta competición de nivel nacional, celebrada en Madrid do 11 ó 13 de xullo, o xogador Antonio Pérez acadou un exitoso resultado ó gañar dous bronces en bola 8 e 9 de mesa pequena. Pérez sumou un triunfo máis no Campionato Galego de parellas mixtas celebrado en Padrón a finais de xuño, conseguindo para os Templarios a medalla de bronce xunto coa billarista chantadina Rosa Sálamo.
En setembro, Marco Antonio e Andrés Varela participarán na proba aplazada do Campionato Galego masculino de parellas. Ademáis, o Club Templarios xa prepara o tradicional torneo de comezo de temporada, que congrega cada ano en Monforte a numerosos billaristas procedentes de toda Galicia. (Fotos cedidas: CBT).•